«Яңарыш» газетасының элеккеге хезмәткәре Ринат Батталовка мемориаль такта куелачак

Ринат Батталов (1948-2018) - шагыйрь, журналист, Удмуртия һәм Татарстан Язучылар берлекләре әгъзасы.

(Казан, 17 октябрь, «Татар-информ»). Ижевскида Гагарин урамындагы 37 нче йорт фасадына шагыйрь, журналист, Удмуртия һәм Татарстан Язучылар берлекләре әгъзасы, «Яңарыш» газетасында озак еллар эшләгән хезмәткәр Ринат Батталовка (1948-2018) истәлек тактасы куелачак. Бу хакта «Яңарыш» сайты хәбәр итә.

«Яңарыш» газетасының баш мөхәррире Рәмзия Габбасованың Ринат Батталовка мемориаль такта кую турындагы үтенечен Шәһәр хакимияте хуплады. Бу йортта ул 20 елдан артык яшәде. Хәзерге вакытта биредә хатыны һәм кызының гаиләсе гомер итә», диелгән хәбәрдә.