Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Үзбәкстан татарлары Аксакаллар шурасы рәисе мактау билгесе белән бүләкләнде
Әлеге мактау билгесе икътисад, җитештерү, фән, мәдәният, мәгариф, сәламәтлек саклау, юриспруденция һәм илнең башка тармакларында күпьеллык намуслы һәм нәтиҗәле хезмәте өчен пенсия яшендәге гражданнарга тапшырыла.
(Казан, 17 сентябрь, «Татар-информ»). 15 сентябрьдә Ташкент шәһәре Татар иҗтимагый мәдәни-агарту үзәгенең Аксакаллар шурасы рәисе Рим Гыйниятуллинга тантаналы шартларда «Мехнат фахрийси» (Хезмәт ветераны) мактау билгесе тапшырылды.
Татарстанның Үзбәкстандагы Вәкиллеге матбугат хезмәте хәбәр иткәнчә, әлеге мактау билгесе белән икътисад, җитештерү, фән, мәдәният, мәгариф, сәламәтлек саклау, юриспруденция һәм илнең башка тармакларында күпьеллык намуслы һәм нәтиҗәле хезмәте өчен пенсия яшендәге Үзбәкстан Республикасы гражданнары бүләкләнә.
Республика дәүләт органнары һәм иҗтимагый оешмалар, Ташкент шәһәре Татар иҗтимагый мәдәни-агарту үзәге вәкилләре, ветераннар, Ирригацион институт студентлары җыелган Үзбәкстан Республикасы Су хуҗалыгы министрлыгы залында бүләкне су хуҗалыгы министры Шавкат Хамраев тапшырды.
Рим Гыйниятуллин Үзбәкстан һәм Татарстан арасында туганнарча элемтәләрне ныгытуда зур роль башкарган. Ул җитәкли торган Шура татар халкының традицияләрен, йолаларын, туган телне саклауда зур ярдәм күрсәтә. Рим Гыйниятуллинны Татарстанның Үзбәкстандагы вәкиле Айдар Әхтәриев тә котлады, диелә бу хәбәрдә.
Кызыклы яңалыкларны күзәтеп бару өчен Телеграм-каналга язылыгыз