Ухта шәһәренең татар мохтарияте ветераннарга бүләкләр өләште

Аларга Татарстан Президенты Рөстәм Миңнехановның тәбрикләү хатларын да тапшырдылар

(Казан, 17 май, "Татар-информ"). Коми Республикасы Ухта шәһәренең «Бердәмлек» татар милли-мәдәнияте мохтарияте Ухта шәһәренедә яшәүче ветераннарны бәйрәм белән котлады. Бу турыда Бөтендөнья татар конгрессы матбугат хезмәте хәбәр итте.

Алар Ухта шәһәрендә гомер итүче сугыш һәм тыл ветераннарына Бөек Җиңүнең 75 еллыгы уңаеннан бүләкләр бирде. Шулай ук Татарстан Президенты Рөстәм Миңнехановның тәбрикләү хатларын тапшырдылар. Бу турыда мохтариятнең рәисе Ләлә Потапова хәбәр иткән.