Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Сандугач» татар халык җыр ансамбле Сургут шәһәрендә квест-турнирда катнашты
Бәйгедә иң җаваплы этап милли мультфильм иҗат итү һәм күрсәтү иде.
(Казан, 17 апрель, «Татар-информ»). Шушы көннәрдә Сургут шәһәрендә квест-турнир узды. Анда «Сандугач» татар халык җыр ансамбле вәкилләре катнашты. Бу турыда Сургут шәһәре татарлары милли-мәдәни автономиясенә сылтама белән Бөтендөнья татар конгрессы матбугат хезмәте хәбәр итә.
Квест Югра халыкларының традицион мәдәниятләрен һәм телләрен саклап калу һәм популярлаштыру, Сургут шәһәрендә милләтара мөнәсәбәтләрне гармонияләштерү, яшьләрне Югра милли-мәдәни берләшмәләре эшчәнлегенә җәлеп итү, яшьләр арасында экстремизмны һәм терроризмны профилактикалау максаты белән оештырылды.
Бәйгедә 6-8 сыйныф укучыларыннан торган 8 команда катнашты.
Квест төрле этаплардан торды, иң җаваплы этап милли мультфильм иҗат итү һәм күрсәтү иде. Карина Муравьева, Тимур Дәүләтов, Айнур Дәүләтшин, Рөстәм Зыятдинов һәм Розалия Кәримова барлык биремнәрне лаеклы үтәде һәм бик яхшы нәтиҗәләр күрсәтте, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз