news_header_top_970_100
16+
news_header_bot_970_100

Татарстанда фермер продукциясен чатыр ярминкәләрендә сатып алырга мөмкин

Чатыр мәйданчыклары көн саен 8:00-16:00 сәгатьләрдә, ә шимбә көнне 6:00 сәгатьтән 15:00 сәгатькә кадәр эшли.

(Казан, 15 май, «Татар-информ»). Казанда чатыр ярминкәләре эшли. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

Казанда чатыр ярминкәләре Авиатөзелеш районында (Дементьев ур.,7; Беломорск һәм Гудованцев урамнары киселешендә), Мәскәү районында (Батыршин ур., 20), Яңа Савин районында (Академик Лаврентьев ур., 10), Идел буе районында (учик ур., 72), Совет районында (Дәрвишләр бистәсе, Липатов ур., 7) адреслары буенча урнашкан.

Биредә республикада җитештерелгән ит, авыл каймагы, сөт, казылык продукциясе, сыр, май, йомырка, яшелчә, бал, шикәр һәм башка фермер продукциясен сатып алырга мөмкин.

Чатыр мәйданчыклары көн саен 8:00-16:00 сәгатьләрдә, ә шимбә көнне 6:00 сәгатьтән 15:00 сәгатькә кадәр эшли.

autoscroll_news_right_240_400_1
autoscroll_news_right_240_400_2
news_bot_970_100