news_header_top_970_100
16+
news_header_bot_970_100

Пенза өлкәсендә татар милли киемнәре күргәзмәсе булды

Анда балалар өчен «Татар орнаменты» остаханәсен уздырдылар.

(Казан, 14 июнь, «Татар-информ»). «Пенза өлкәсе татар милли-мәдәни автономиясе» өлкәнең Россия көненә багышланган «Күп милләтле әйлән-бәйлән» милли-мәдәни автономияләре фестивалендә катнашты.

Фестивальдә мәктәп һәм көллият укучылары, иҗтимагый милли берләшмәләр активистлары Пенза өлкәсе территориясендә яшәүче халыкларның милли костюмнар, көнкүреш, әдәбият һәм милли кәсеп күргәзмәләре мәйданчыклары белән танышты. Бу хакта Бөтендөнья татар конгрессы матбугат хезмәте хәбәр итә.

«Пенза өлкәсе татар милли-мәдәни автономиясе» активистлары милли татар костюмын тәкъдим итте, декоратив-гамәли иҗат һәм халык кәсебе предметлары, татар телендә китап басмалары күргәзмәсе оештырды һәм балалар өчен «Татар орнаменты» остаханәсен уздырды.

Бәйрәм концертында Пенза өлкәсенең милли-мәдәни автономияләрен тәкъдим итүче солистлар һәм ансамбльләр башкаруында милли телләрдә җырлар яңгырады.

autoscroll_news_right_240_400_1
autoscroll_news_right_240_400_2
news_bot_970_100