^Авыл тарихын өйрәнү туганлашырга ярдәм итте

^Авыл тарихын өйрәнү туганлашырга ярдәм итте
(Чуашстан, 14 март, “Татар-информ”, Ләйлә Исламова). Чуашстанның Батыр районы Кызыл Чишмә авылы укытучысы Динар Якуп улы Исхаков башлангычы белән авыл тарихы буенча зур һәм кызыклы мәгълүмат тупланган. Сембер архивларында табылган шәҗәрә буенча, авыл халкының барысы да туганнар булып чыга, имеш, алар бер тамырдан икән. Бу эштә шушы авылда туып үскән һәм бүген Ульяновскида яшәүче география фәннәре докторы Вәгыйзь Газизов та зур ярдәм күрсәткән.