Алабугада олылар өчен татар теле дәресләре башланды
Оештыручылар сүзләренчә, курсларга әлегә кадәр язылырга мөмкин.
Скопировать ссылку
(Казан, 13 март, «Татар-информ»). Алабугада олыларга татар телен өйрәтү дәресләре башланды. Курслар әлифба китабы белән танышудан башланды. Дәресләрне Казан федераль университетының Алабуга институты укытучылары алып бара. Бу турыда «Россия Татарстан» сайтында хәбәр итә.
Курсларга 270 кеше язылган, һәр төркемдә 15 кеше шөгыльләнә. Укулар 3 айга исәпләнгән.
Оештыручылар сүзләренчә, курсларга әлегә кадәр язылырга мөмкин.
Аны тәмамлаучылар ахырдан имтихан тапшыра, телне белү дәрәҗәсен күрсәткән сертификатлар бирелә.