Мәскәү татарларының «Мафия» уены чираттагы сезонын башлый

Яңа сезонның беренче уены җомга көненә планлаштырылган.
(Казан, 13 гыйнвар, «Татар-информ»). Мәскәү татарларының «Мафия» уены чираттагы сезонын башлый. Бу хакта чарны оештыручыларга сылтама белән Мәскәү татарлары Штабы хәбәр итә. Яңа сезонның беренче уены җомга көненә планлаштырылган. «Мафия» уеннары Мәскәү татарларының күркәм традициясенә әверелде инде.