Продюсер Фәнил Вакказов «Сабантуй» журналына онлайн язылган
Фәнил Вакказов балаларны татар итеп тәрбияләргә, татарча укытырга өнди.
(Казан, 12 май, «Татар-информ», Гөлүзә Ибраһимова). «Без» телеканалы продюсеры Фәнил Вакказов «Сабантуй» журналына онлайн язылган. Бу хакта ул үзенең «Instagram» сәхифәсендә сөйли.
«Җайлы заманнар җитте, газета — журналларга өйдән чыкмыйча да язылырга була. Кечкенәдән татар газета-журналларын укып үстем. Балаларны татар телендә тәрбияләргә, укытырга телим. Шуңа күрә „Сабантуй“ журналына язылдым», — ди Фәнил Вакказов үзенең сәхифәсендә.
Фәнил Вакказов балаларны татар итеп тәрбияләргә, татарча укытырга өнди.
«Сез дә язылырга теләсәгез, http://tatmedia.ru/ сайтына үтегез! „Сабантуй“ журналы язылучылары арасында самокат та уйната», — ди ул.