Пермь өлкәсенең Киров районында Сабантуй бәйрәме була

Бәйрәм иртәгә сәгать уникедә башлана.

(Казан, 11 сентябрь, «Татар-информ»). 12 сентябрьдә Пермь өлкәсенең Киров районында Сабантуй бәйрәме узачак. Чара «Бәхет бар» паркында һәм «Чаткы» мәдәният йорты янындагы мәйданда планлаштырылган. Бәйрәмдә бай күңел ачу программасы әзерләнгән. Бу хакта Бөтендөнья татар конгрессы матбугат хезмәте хәбәр итә.

Бәйрәм тантанасы 12: 00 сәгатьтә башлана.

Пермьнең Киров районы хакимиятендә «чараның максаты — милли мәдәният һәм гореф-гадәтләр белән таныштыру, гармонияле милләтара һәм конфессияара мөнәсәбәтләр формалаштыру», дип аңлаталар.