Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Удмуртиядә «Һәр телнең бар туган иле» исемле кичә булды
Кичәдә балалар да, ветераннар да катнашты.
(Казан, 9 апрель, «Татар-информ»). Удмуртиянең Исәнбай мәктәбе укучылары һәм авыл халкы белән «Һәр телнең бар туган иле» исемле кичә үткәрде. Бу очрашуда күп кенә бәйгеләрдә җиңү яулаган 5 яшьлек Зилә Сундукова да, 70-75 яшьлек сәхнә ветераннары да чыгыш ясады.
Исәнбай балалар бакчасындагы очрашуга бар гомерен балалар укытуга багышлаган мөгаллимә, шигырьләр язу остасы Фәридә апа Җәмилова да килгән иде. Аның балалар турындагы искиткеч матур, эчтәлекле, тәрбияви шигырьләрен тыңладылар. Тукайның «Бала белән күбәләк» шигырен дә балалар бик оста сөйләделәр.
«Үзем дә шигырьләремне укыдым. Балалар безгә милли биюләр, халыклар дуслыгын чагылдырган чыгышлар күрсәтте. Аларда туган телгә мәхәббәт тәрбияләүче, ана телендә сөйләм культурасын үстерүче апаларына, матур шигырьләребезне ятлаткан әти-әниләргә чын күңелдән рәхмәт! Безнең белән бергә басып, балалар «Туган тел»не җырлады», — дип сөйләде Әлфирә Низамова.
Кызыклы яңалыкларны күзәтеп бару өчен Телеграм-каналга язылыгыз