Ульяновск татар язучылары берләшмәсе рәисе Равил Шәфигуллин вафат

Мәрхүм белән хушлашу туган авылы Парауда булачак.

(Казан, 7 октябрь, «Татар-информ», Зилә Мөбәрәкшина). Ульяновск татар язучылары берләшмәсе рәисе, Татарстан Язучылар берлеге әгъзасы, китаплар авторы Равил Шәфигуллин 78 яшендә вафат булган. Бу хакта «Татар-информ» хәбәрчесенә Татарстан Язучылар берлеге рәисе урынбасары Рәмис Аймәт сөйләде.

«Гаиләсенең һәм туганнарының авыр кайгысын уртаклашабыз. Мәрхүмне җирләү 8 октябрьдә туган авылы Парауда булачак», — диде Рәмис Аймәт.

Равил Шәфигуллин - Сәхаб Урайский һәм Габделҗаббар Кандалый исемендәге әдәби премияләр лауреаты.