Уфа урамнарында ТАССРның 100 еллыгы уңаеннан котлау баннерлары урнаштырылды
Баннерлар ике телдә — татарча һәм башкортча эшләнелгән.
Скопировать ссылку
(Казан, 7 октябрь, "Татар-информ"). ТАССРның 100 еллыгы уңаеннан, Башкортстан хөкүмәте тарафыннан Уфа урамнарында котлау баннерлары урнаштырылды. Бу хакта Бөтендөнья татарлар конгрессының матубагат хезмәте хәбәр итә.
Баннерлар ике телдә — татарча һәм башкортча эшләнелгән. Аларда Башкортстан башлыгы Радий Хабиров ике тугандаш республика турында әйткән «Без бергә яхшырак булдырабыз» сүзләре урын алган.
«Башкортстан хөкүмәтенә рәхмәтләребезне җиткерәбез. Бер булыйк, бердәм булыйк!» — дип социаль челтәрдә Бөтендөнья татар конгрессының Башкортстандагы вәкиллеге баннерлар өчен рәхмәт белдергән.
