Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза өлкәсенең «Ак калфак» оешмасы хатын-кызлары Каменка балалар приютында булды
Хәзерге вакытта приютта 5-17 яшьлек 17 бала тәрбияләнә.
(Казан, 7 гыйнвар, «Татар-информ»). Пенза өлкәсенең «Ак калфак» татар хатын-кызлары иҗтимагый оешмасы активистлары ел саен Яңа ел алдыннан өлкәнең Каменка шәһәрендәге балалар приютына бара.
Бөтендөнья татар конгрессының матбугат хезмәте хәбәр иткәнчә, хәзерге вакытта приютта 5-17 яшьлек 17 бала тәрбияләнә. Бүгенге көндә әлеге балаларның әти-әниләрен ата-ана хокукыннан мәхрүм итү мәсьәләсе карала. Шуннан соң аларны балалар йортына озатачаклар, яки ата-аналар акылга килеп, үз балаларын приюттан алачак.
«Ак калфак» иҗтимагый оешмасы рәисе Эльмира Васильева балаларны Яңа ел белән котлап, аларга бәхет һәм сәламәтлек теләде. Барлык балаларга да тәм-томнар өләштеләр, ә приютка светомузыка бүләк иттеләр. Приют директоры Татьяна Плеханова «Ак калфак» оешмасы хатын-кызларына Рәхмәт хаты тапшырды, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз