Татар дөньясы 6 март 2022 17:08

Башкортстанда атказанган рәссам Илшат Гыйләҗев вафат булган

Үлем сәбәбе — коронавирус инфекциясеннән соң өзлегүләр.

Скопировать ссылку

(Казан, 6 март, «Татар-информ»). Башкортстанда скульптор, рәссам, уеп ясау остасы Илшат Гыйләҗев вафат булды. Аңа 62 яшь иде.

Аның хезмәттәшләре хәбәр итүенчә, үлем сәбәбе — коронавирус инфекциясеннән соң өзлегүләр, дип яза Башинформ.

Илшат Фәрит улы Гыйләҗев — скульптор, Башкортстан Республикасының атказанган рәссамы (2012). 1960 елның 1 гыйнварында Балтач районының Иске Янбай авылында туган. Нефтекамск шәһәрендә яшәгән һәм эшләгән. Башкорт дәүләт педагогика институтының (1985) сәнгать-графика факультетында укыган.

1997 елдан РФ Рәссамнар берлеге әгъзасы. 1997 елдан «Мирас» иҗат төркеме әгъзасы. 1985 елдан-республика, зона, бөтенроссия һәм бөтенсоюз күргәзмәләрендә катнаша. 1998 елдан — «Скульптура ташта» республика һәм халыкара симпозиумнарда катнаша.

Сәхифәләр

Башкортстанда атказанган рәссам Илшат Гыйләҗев вафат булган