Татар дөньясы 5 сентябрь 2021 15:45

Ташкентның Татар мәдәни үзәге Үзбәкстан бәйсезлегенә багышланган бәйрәмдә катнашты

Мәдәни-агарту үзәге татар халкының мәдәниятен, йолаларын, милли аш-суларын һәм җыр-биюләрен тәкъдим итте.

Скопировать ссылку

(Казан, 5 сентябрь, «Татар-информ»). 3 сентябрьдә Ташкент өлкәсенең Октом мәхәлләсендә һәм 28 августта Ташкент өлкәсенең Чиназ районы Эшенобод бистәсендә Үзбәкстандагы милли-мәдәни үзәкләр катнашында Үзбәкстан бәйсезлегенең 30 еллыгына багышланган Дуслык көннәре кысаларында «Өч буынның очрашулары» дигән бәйрәм чаралары узды. Бу хакта Ташкент шәһәре Татар иҗтимагый мәдәни-агарту үзәгенең телеграм-каналы хәбәр итә.

Чарада Татар иҗтимагый мәдәни-агарту үзәге дә актив катнашты, ул татар халкының мәдәниятен, йолаларын, милли аш-суларын һәм җыр-биюләрен тәкъдим итте.

«Татар иҗтимагый мәдәни-агарту үзәгенең идарә рәисе Ришат Нәбиуллинга, аның урынбасары Фирүзә Халдаровага, идарә әгъзалары Ринат Мәмлиев, Гөлнур Әдһәмова, Мәрьям Бохаровага һәм «Изге Нур» ансамбленә, шулай ук «Яшьлек» һәм «Ләйсән» ансамбльләрендә катнашучылар Мансур Абдуллин һәм Альбина Сапрыкинага чарада катнашканнары һәм күргәзмә оештырганнары өчен рәхмәт белдерәбез», - диелә хәбәрдә.

Сәхифәләр

Ташкентның Татар мәдәни үзәге Үзбәкстан бәйсезлегенә багышланган бәйрәмдә катнашты