«Миллиард.татар» порталы «Яндекс»ка нигез салучының татар тамырларын эзләвен ачыклады

Тимур Янбухтин Башкортстанда һәм Мордовиядә яшәгән йомышлы татарлар нәселеннән була.

(Казан, 5 март, «Татар-информ»). «Миллиард.татар» порталы «Яндекс»ның элеккеге топ-менеджеры һәм Альфа-Банк финансисты Тимур Янбухтинның Башкортстан һәм Мордовиядә үз татар тамырларын эзләвен ачыклаган.

«Ул үткәргән генеалогик тикшеренү нигезендә, Янбухтинның нәселе Мәскәү белән аз бәйләнештә һәм үз тамырлары белән хәзерге Башкортстан һәм Мордовия тарихына тоташа», — ди белгечләр.

1779 елда йомышлы татарлар Янбухтиннар Кызыл бистә өязенең Акаш авылыннан (хәзерге Мордовия Республикасы) Бәшир авылына (Башкортстанның хәзерге Чакмагыш районы) килеп урнаша, ә 1811 елда Башкортстанның Бәләбәй өязе Иске Калмаш авылына күченәләр.

2000 елда Тимур Янбухтин Россиянең «Яндекс» ИТ-гигантының топ-менеджерлары исемлегенә керә. 2002 елда «Яндекс»тан киткәч, ул EVRAZ Group халыкара бизнесны үстерү буенча вице-президент булып эшләде. Аннары ул венчур инвестицияләре өлкәсенә кереп китә, Россиянең GameStars киберспорт һәм Witget смарт-платформасы киңлекләре өчен бизнес ярдәмчесе булды.