Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әстерханда Әниләр көненә багышланган татар телендә шигырь уку бәйгесе башланды
Конкурс 4 яшь категориясендә уза.
(Казан, 4 ноябрь, «Татар-информ», Гадел Әхмәтҗанов). Әстерханның «Дуслык» татар милли-мәдәни җәмгыяте 28 ноябрьдә билгеләп үтеләчәк Әниләр көненә багышланган татар телендәге шигырьләр уку конкурсын игълан итте.
Оештыручылар билгеләп үтүенчә, «Әнкәй минем йөрәктә» бәйгесендә катнашучылар 4 яшь төркемендә өч сынашачак. «Конкурс 1-4 сыйныф, 5-7 класс, 8-11 сыйныф укучылары һәм студентлар арасына уза», — дип яза Әстерханның «Дуслык» татар милли-мәдәни җәмгыяте Инстаграмдагы сәхифәсендә.
Хәбәрдә әйтелгәнчә, әсәр сайланган темага туры килергә, ә катнашучы әсәрне яттан белергә тиеш. Бәя биргәндә шулай ук башкару осталыгына да игътибар ителә.
«Һәр яшь төркемендә җиңүчеләр грамоталар, медальләр, истәлекле бүләкләр белән бүләкләнә. Призлы урыннарны алмаган катнашучыларга рәхмәт хатлары тапшырылачак», — ди оештыручылар.
Онлайн-конкурста катнашу өчен әсәрне укып, горизонталь видео төшерергә, әлеге видеоязманы 14 ноябрьгә кадәр astrmoldus@mail.ru электрон почтасына юлларга кирәк. Тулырак мәгълүмат белән Әстерханның «Дуслык» татар милли-мәдәни җәмгыятенең Инстаграм аккаунтында таныша аласыз.
Кызыклы яңалыкларны күзәтеп бару өчен Телеграм-каналга язылыгыз