Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Магнитогорск татарлары җыенында халык санын алу турында сөйләштеләр
Очрашуда Татарстан язучылары һәм шагыйрьләре дә чыгыш ясаган.
(Казан, 4 октябрь, «Татар-информ»). Магнитогорск шәһәренең Халыклар дуслыгы йортында Магнитогорск татарларының «Җыен-2021» чарасы үткәрелде. Төп тема — 15 октябрьдә башланачак Халык санын алу булды.
Җыенда Бөтендөнья татар конгрессының Башкарма комитеты җитәкчесенең Россия төбәкләрендәге татар иҗтимагый берләшмәләре белән эшләү буенча урынбасары Марс Тукаев катнашты. Ул Татарстан Премьер-министры урынбасары, Бөтендөнья татар конгрессының Милли шура рәисе Васил Шәйхразыев исеменнән сәламләде, дип яза конгрессның матбугат хезмәте.
Марс Тукаев Халык санын алуда актив булуның, төбәктәге һәр татар гаиләсенең әлеге акция катнашуының мөһимлеге хакында сөйләгән.
Магнитогорск шәһәренең «Татар рухы» татар милли-мәдәни мохтариятенең озак еллар буе халкыбызга хезмәт иткән әгъзаларына Бөтендөнья татар конгрессының бүләкләрен тапшырылган.
Татарстаннан килгән язучы һәм шагыйрьләр чыгыш ясадылар, шигырьләрен укыдылар. Җыенда Магнитогорск шәһәре татарларыннан тыш, күрше Башкортстанның Баймак, Әбҗәлил һәм Учалы районнарыннан, Сибай һәм Баймак калаларыннан да милләттәшләребез катнашты, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз