Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстан татарлары Милли-мәдәни автономиясе үз эшчәнлеге хакында хисап тотачак
Чара «Бердәм Россия» партиясенең төбәк Башкарма комитеты мәйданчыгында онлайн режимында үтәчәк.
(Казан, 4 июнь, «Татар-информ»). 5 июньдә, 17.00 сәгатьтә, Башкортстан Республикасы татарлары Милли-мәдәни автономиясенең хисап утырышы узачак. Чара «Бердәм Россия» партиясенең төбәк Башкарма комитеты мәйданчыгында онлайн режимында үтәчәк. Бу хакта «Башинформ» агентлыгы хәбәр итә.
Әлеге оешма Советы рәисе Римма Үтәшева Башкортстан Республикасы татарлары Милли-мәдәни автономиясенең 2020 елның беренче яртыеллыгындагы эшчәнлеге һәм икенче яртыеллыкка бурычлар хакында сөйләячәк. Аның урынбасары Альбина Хәбибуллина исә иҗтимагый оешмаларга грант ярдәме күрсәтү хакында бәян итәчәк.
«Кызыл таң» газетасының баш мөхәррире Фаил Фәтхетдинов газета-журналларга язылу кампаниясенең барышы хакында мәгълүмат бирер дип көтелә. Россия Фәннәр академиясе Уфа фәнни үзәгенең Этнологик тикшеренүләр институты өлкән фәнни хезмәткәре, социология фәннәре кандидаты Илдар Габдрәфыйков Россия Федерациясе Конституциясенә төзәтмәләр турындагы мәсьәләне кузгатачак.
Утырышны теләгән һәркем интернет аша күзәтә ала.
Кызыклы яңалыкларны күзәтеп бару өчен Телеграм-каналга язылыгыз