news_header_top_970_100
16+
news_header_bot_970_100

Самараның Гали авылында «Халкым минем» иҗат фестивале була

Фестивальдә үзешчән коллективлар, ансамбльләр, солистлар, хореография коллективлары катнаша ала.

Самараның Гали авылында «Халкым минем» иҗат фестивале була
Рамил Гали

(Казан, 4 март, «Татар-информ»). Самара өлкәсенең Похвистнево районындагы Гали авылы Мәдәният йортында муниципальара «Халкым минем-2021» иҗат фестивале үткәрелә.

Самара татарлары сайтында хәбәр итүләренчә, әлеге чара Самара губернасының 170 еллыгына һәм галәмгә кеше очуның 60 еллыгына багышлана.

Фестиваль 2021-2025 елларда «Похвистнево районында мәдәниятне үстерү» кысаларында районның максатчан программасын үтәү максатыннан оештырыла. 

«Халкым минем» төбәкара иҗат фестивале татар халкы иҗатын үстерүгә, талантлы башкаручыларны ачыклауга, милли гореф-гадәтләрне һәм йолаларны саклап калуга һәм үстерүгә юнәлдерелгән.

Фестивальдә үзешчән коллективлар, ансамбльләр, солистлар, хореография коллективлары катнаша ала, диелә хәбәрдә.

autoscroll_news_right_240_400_1
autoscroll_news_right_240_400_2
news_bot_970_100