Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иртәгә Тольяттидагы туган якны өйрәнү музеенда «Татарларда кунакта» күргәзмәсе ачыла
Экспозициягә XIX гасыр ахыры — XX гасыр башындагы этнографик материал тупланган.
(Казан, 3 сентябрь, «Татар-информ»). 4 сентябрьдән Тольяттидагы туган якны өйрәнү музеенда «Татарларда кунакта» дигән яңа күргәзмә эшли башлаячак. Биредә Алабуга дәүләт музей-тыюлыгы җыеныннан 319 экспонат тәкъдим ителәчәк.
«Самара татарлары» сайтында хәбәр ителгәнчә, күргәзмә экспозициясенә XIX гасыр ахыры — XX гасыр башы этнографик материал кертелгән һәм алар татар халкының эш көннәре, бәйрәмнәре, йолалары һәм гореф-гадәтләре турында «сөйли».
«Татарларда кунакта» күргәзмәсе экспозициясе Россиянең 7 төбәгендә уңышлы тәкъдим ителде. Бу чын-чынлап милли мәдәниятнең гүзәл энциклопедиясе, ул татар халкының көнкүреше, бәйрәмнәре, күп гасырлык йолалары һәм гореф-гадәтләре турында мавыктыргыч итеп сөйли», — ди оештыручылар.
Проект Россия Мәдәният министрлыгы, Татарстан һәм Россиянең башка төбәкләре, Россия музейлар берлеге, Татарстанның Россия төбәкләрендәге вәкиллекләре, Бөтендөнья татар конгрессы Милли шурасы, Россия Рәссамнар берелгенең үзара хезмәттәшлеге нәтиҗәсендә гамәлгә ашырылды, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз