Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Искешәһәр татары Серай Эрдоган «Казан сөлгесе» фестивалендә беренче урын алган
Онлайн бәйгедә ул «Айрылмагыз» һәм «Сафия такмаклары» җырларын башкарган.
![Искешәһәр татары Серай Эрдоган «Казан сөлгесе» фестивалендә беренче урын алган](https://tatar-inform.tatar/resize/shd/images/uploads/news/2020/9/3/9db3bf01cd6a9356847338fb2fa9eed313318a4bceb45c34c5a3762647ff.png)
(Казан, 3 сентябрь, «Татар-информ», Зилә Мөбәрәкшина). «Сәйдәш» мәдәният үзәге Татарстан Республикасы Мәдәният министрлыгы ярдәме белән «Казан сөлгесе» V Халыкара халык җыр һәм бию фестивален уздырган. Халык инструменталь музыкасы номинациясендә Төркиянең Искешәһәр каласыннан Серай Эрдоганга «Айрылмагыз» һәм «Сафия такмаклары»н җырлаган өчен, беренче урын лауреат исеме бирелгән. Бу хакта «Татар-информ» хәбәрчесенә Истанбулда укучы аспирант Айгөл Зара Кәбирова сөйләде.
«Мин Искешәһәр татарларыннан булам. Милләттәшләремне сәламлим, бәйрәм белән котлыйм», — диде үзе турында музыка укытучысы булып эшләүче Серай Эрдоган. Серай әйтүенчә, аның әтисе — татар, әнисе — Кырым татары. Бәйгедә ул Искешәһәр татарлары мәдәният һәм ярдәмләшү оешмасы исеменнән катнашкан.
Конкурс 2020 елның 28-30 августында узган. Серай Эрдоган анда онлайн катнашкан. «Казан сөлгесе» проектының төп максаты — бөтен дөньяда милли мәдәниятләрнең күптөрлелеген күрсәтү, музыка сәнгатен саклау һәм үстерү, талантлы башкаручыларга ярдәм итү һәм аларның рухи-әхлакый үсеше», — диде ул.
Конкурсның өстенлекләреннән берсе — катнашучыларның яшь составы төрлелеге. Шулай ук профессиональ һәм яшь башкаручыларны берләштерү турында да искә алырга кирәк.
Жюри рәисе һәм проектның кураторы — Россиянең халык артисты Лима Кустабаева.
Кызыклы яңалыкларны күзәтеп бару өчен Телеграм-каналга язылыгыз