Татар дөньясы 2 декабрь 2020 11:23

Курганда балаларны татарча әкиятләр укырга чакыралар

«Татар әкиятләрен укыйбыз» бөтенроссия интернет-акциясендә балалар һәм аларны укырга өйрәтүчеләр - ата-аналар, китапханәчеләр, тәрбиячеләр, педагоглар катнаша ала.

Скопировать ссылку

(Казан, 2 декабрь, «Татар-информ»).Курган өлкәсенең Виктор Потанин исемендәге балалар-яшүсмерләр китапханәсе «Татар әкиятләрен укыйбыз» бөтенроссия интернет-акциясендә катнашырга теләүчеләрне чакыра. Бу хакта Бөтендөнья татар конгрессы матбугат хезмәте хәбәр итә.

Катнашу өчен 2020 елның 11 декабрендә бер яки берничә татар әкиятен укырга кирәк. Уку вакытында катнашучыга фото яки видеоязма ясарга, ә аннары «ВКонтакте» социаль челтәрендә үз битендә #Читаемтатарскиесказки хэштегы белән урнаштырырга кирәк. Акцияне үткәрү урыны теләсә кайда: китапханә, балалар бакчасы, мәктәп, өйдә булырга мөмкин.

Акциядә катнашучы сертификатын «ВКонтакте» социаль челтәрендәге китапханә төркеме битендә 12-13 декабрьдә йөкләп алырга мөмкин булачак.

Сәхифәләр

Курганда балаларны татарча әкиятләр укырга чакыралар