Чиләбе өлкәсе татар конгрессы «Татар гаиләсе - 2021» бәйгесенә гаризалар кабул итә

Конкурста катнашу өчен 15 августка кадәр анкета тутырырга кирәк.

(Казан, 1 август, «Татар-информ»). Чиләбе өлкәсе татар конгрессы онлайн-форматта үткәрелә торган «Татар гаиләсе-2021» бәйгесенә гаризалар кабул итә.

Бөтендөнья татар конгрессының матбугат хезмәте хәбәр иткәнчә, конкурста катнашу өчен 15 августка кадәр анкета тутырырга кирәк.

«Әгәр йортыгыз яки капкагызга милли татар бизәкләре төшерелгән, өегездә кисеп ясалган тәрәзә йөзлекләре яки бизәкле матур коймалар сакланган икән, сезне „Татар гаиләсе — 2021“ онлайн-проектында көтеп калабыз», — дип хәбәр итә оештыручылар.

Бөтен мәгълүматны «ВКонтакте» социаль челтәрендәге vk.com/congresstatar74 сәхифәсендә урнаштырылган нигезләмә белән танышканнан соң яки 8351-729-32-78 телефоны аша белергә мөмкин.