Әмирхан Еникинең публицистикасы буенча диплом эше яклаячаклар
Әдипнең публицистикасы бүгенге көндә аз өйрәнелгәне турында әйтелде.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 1 март, “Татар-информ”, Зилә Мөбәрәкшина). Быел КФУның Филология һәм мәдәниятара багланышлар институтының Г.Тукай исемендәге Милли мәдәният һәм мәгариф югары мәктәбендә күренекле татар язучысы Әмирхан Еникинең публицистикасы буенча диплом эше якланылачак. Бу хакта “Татар-информ” хәбәрчесенә югары мәктәп студенты сөйләде.
Дипломны яклаучы студент әдипнең публицистикасы белән икенче курстан ук таныш булуын һәм курс эшләрен аның иҗаты белән бәйле булуын әйтте. “Мин диплом эшемне Әмирхан Еникинең публицистикасын өйрәнүгә багышлыйм. Филолог-журналист буларак, миңа аның журналистикасын өйрәнү кызык булды”, - диде ул.
“Әмирхан аганың исемен әйткәч аның публицистикасы түгел, әсәрләре искә төшә. “Биектән карап торасым килә” китабыннан мәкаләләрен, Кремльдәге архивка барып хатларын, язмаларын тикшердем”, - диде студент.
“Әмирхан Еники зыялы кеше. Аның публицистикасының объекты кем генә булмасын, ул тәнкыйтен дә әйткән, мактаулы сүзләрен дә жәлләмәгән”, - дигән нәтиҗә ясады ул.