"Татар җыры" фестивалендә Элвин Грей елның иң популяр җырчысы дип табылды
“Пирамида” концертлар залында унтугызынчы халыкара “Татар җыры” эстрада фестивале бара.
(Казан, 22 декабрь, "Татар-информ", Динә Йосыпова). XIX Халыкара “Татар җыры” эстрада фестиваленең "Елның иң популяр җырчысы" номинациясе иясе билгеле булды. Иң популяр җырчы дип Башкортстанның атказанган артисты Элвин Грей исеме белән танылган Радик Юльякшин табылды.
"Бу – безнең уртак бүләк. Татарстан һәм Башкортстан халкы, сезгә зур рәхмәт",- диде Юльякшин.
Чараны Татарстан Республикасы Президенты Рөстәм Миңнеханов һәм башка олы кунаклар тамаша кыла.
Быел “Татар җыры” фестивалендә 26 номинант.