«Татар хатын-кызлары» комиксы ЮНЕСКО кураторлыгындагы коллекциягә кертелгән
«Татар хатын-кызлары» комикслар китабы ЮНЕСКОның дөньяның җирле халыклары телләрендә балалар һәм үсмерләр өчен атаклы китаплар коллекциясенә кертелгән.
Яңа коллекция 150дән артык телдә дөнья күргән 170тән артык китапны үз эченә ала, алар бөтен дөньядан 500дән артык гариза арасыннан сайлап алынган. Яңа коллекциянең кураторлары – ЮНЕСКО һәм Яшьләр өчен китаплар буенча халыкара совет (IBBY).
Китапларга 2018-2025 елларда бер яки берничә җирле яки юкка чыгып баручы телдә бастырылган иллюстрацияле китаплар, романнар, биографияләр, график романнар һәм фәнни-популяр әсәрләр керә. Алар әдәби һәм сәнгати сыйфатлары өчен генә түгел, ә Җирле телләрнең халыкара унъеллыгы (2022-2032) буенча глобаль гамәлләр планына өлеш кертүләре өчен дә сайлап алынган.
«Безнең өчен зур шатлык һәм чын күңелдән эшләнгән эш», – дип белдерәләр «Татар хатын-кызлары» комиксын иҗат итүчеләр.