Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар телендә барачак “Сәйяр” шәһәр фестивале финалын уздыру урыны үзгәртелгән
Анда Казанның һәр районыннан 2шәр мәктәп театр коллективы иҗади мөмкинлекләрен күрсәтә
(Казан, 3 апрель, “Татар-информ”). 6 апрель көнне сәгать 10 да Татарстан Республикасы Халыклар дуслыгы йортында (моңа кадәр оештыручылардан алынган хәбәрдә Г.Камал исемендәге Татар дәүләт академия театрында диелгән иде) татар телендә иҗат итүче Казан мәктәпләре театр коллективлары арасында “Сәйяр” шәһәр фестивале финалы була. Фестиваль Россиядә Әдәбият елы кысаларында уздырыла.
Фестивальнең сайлап алу турлары исә 10-13 мартта үткәрелгән. Сәхнә сәнгатендә осталыкларын күрсәтеп, Казанның һәрбер районыннан 2шәр иҗат коллективы финалга сайлап алынган. Аерым алганда, Авиатөзелеш районының 6 мәктәбе иҗади мөмкинлекләрен күрсәткән, Яңа Савин районыннан – 13, Киров һәм Мәскәү районнарыннан – 10, Вахитов һәм Идел буе районнарыннан – 11, Совет районыннан – 18 мәктәп.
“Сәйяр” фестивале Казан шәһәре Башкарма комитетының мәгариф идарәсе, ТР Театр әһелләре, “Татмедиа” АҖ, ТР Халыклар дуслыгы йорты, “Гармония” гаилә үзәге, “Сәхнә” һәм “Салават күпере” журналлары редакцияләре тарафыннан оештырыла.
Бу хакта “Татмедиа” Республика матбугат һәм массакүләм коммуникацияләр агентлыгының матбугат хезмәтләре белән эшләү һәм җәмәгатьчелек белән элемтәләр бүлеге ачыклык кертте.
Татарстан Республикасы Халыклар дуслыгы йорты Казанда Павлюхин урамы, 57 нче йорт адресы буенча урнашкан, “Сәйяр” шәһәр фестивале финалы исә 4 нче катта уздырыла.
Кызыклы яңалыкларны күзәтеп бару өчен Телеграм-каналга язылыгыз