news_header_top_970_100
news_header_bot_970_100

Татар телен укыту турында сөйләшү

Татар телен укыту турында сөйләшү

(Казан, 17 декабрь, «Татар-информ», Дания Моисеева). Кичә Казан шәһәре Мәгариф идарәсе башкаланың ике урта уку йортында семинарлар уздырды. Алар татар тарихын һәм телен укыту темаларына багышлаган иде.

Мәскәү районындагы 2нче гимназиягә шәһәр мәктәпләреннән татар тарихы укытучылары җыелды. Анда шулай ук Татар дәүләт гуманитар институты галимнәре дә катнашты. Алар бүгенге көндә татар мәктәпләрендә тарих дәресен укыту проблемалары һәм бу өлкәдәге яңа алымнар турында сөйләште.

Совет районының 141нче мәктәбендәге семинарда исә рус балаларына татар телен укыту мәсьәләләре каралды. Анда шәһәр мәктәпләренең укыту буенча методистлары һәм татар теле мөгаллимнәре катнашты. Семинарда шулай ук әлеге тема буенча язылган дәреслекләрне дә тәкъдир итү булды.

news_right_column_1_240_400
news_right_column_2_240_400
news_bot_970_100