Татар театрының 120 еллыгына багышланган китап күргәзмәсе 15 ноябрьгә кадәр эшләячәк
Татарстан Республикасы Милли китапханәсенең классик уку залында татар театрының 120 еллыгына багышланган китап күргәзмәсе эшли башлады. Бу милли сәхнә сәнгате тарихында мөһим вакыйга, һәм китапханә барлык теләүчеләрне татар драматургиясенең ничек барлыкка килүен һәм үсешен күзәтергә чакыра, дип хәбәр итә ТР Мәдәният министрлыгы матбугат хезмәте.
Экспозициядә китапханә фондларыннан татар театры турында уникаль материаллар тупланган: сирәк басмалар һәм классикларның беренче татар пьесалары һәм драма әсәрләренең кулъязма исемлекләре, вакытлы матбугат һәм башка документлар. Ул белгечләргә (театр белгечләренә, филологларга), шулай ук Татарстан тарихына һәм сәнгатенә битараф булмаган киң даирә укучыларга да кызыклы булачак.
Күргәзмә 15 ноябрьгә кадәр эшләячәк. «Татар театры тарихы белән китаплар аша танышырга килегез», диелә хәбәрдә.