Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар театрларының кайберләренә русча уйнарга рөхсәт ителергә мөмкин
«Татар-информ» республиканың татар дәүләт театрларында русча спектакльләр куелу проблемасын беренче булып күтәреп чыккан иде.
(Казан, 12 февраль, «Татар-информ», Рузилә Мөхәммәтова). Киләчәктә кайбер татар театрларның рус телендә уйнавы рәсми нигездә рөхсәт ителергә мөмкин. Бу хакта Татарстан мәдәният министрлыгының ел йомгакларына багышланган коллегия утырышына әзерләгән отчетында әйтелә.
«Татарстанда асылда «татар телле» булган тугыз театр бар, алты театр рус телендә, өч театр ике дәүләт телендә уйный. «Татар телле» театрларның өчесе рус телендә спектакльләр куя (Әлмәт драма театры, Буа драма театры, Чаллы драма театры)», - диелгән отчетта.
«Бер яктан караганда - татар драма театрлары милли театр традицияләрен трансляцияләргә һәм татар телле репертуар белән эшләргә тиеш. Икенче яктан – театр үз районында бердәнбер профессиональ иҗат коллективы булса, аның иҗат эшчәнлеге рус телле аудиторияне дә үз эченә алырга мөмкин. Бу мәсьәләне игътибар белән өйрәнергә кирәк», дип дәвам ителә документта.
Чишелешләр юллары итеп, театр Уставына үзгәрешләр кертелү яки татар театры репертуарында рус телле куелышларның норма/проценты билгеләнү мөмкинлеге әйтелә.
«Татар-информ» республиканың татар дәүләт театрларында русча спектакльләр куелу проблемасын беренче булып күтәреп чыккан иде. «Татар-информ»да булган мәгълүматларга караганда, Минзәлә театры да рус телендә спектакльләр куя, ләкин алар отчетта күрсәтелмәгән.
Әлмәт, Минзәлә, Буа, Әтнә театрлары үз регионнарында бердәнбер профессиональ театр булып тора. Мәдәният министрлыгы күзаллаган үзгәрешләр шушы театрларга кагылырга мөмкин.
Кызыклы яңалыкларны күзәтеп бару өчен Телеграм-каналга язылыгыз