Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
«Татар табыны» бәйгесе җинүчеләре билгеле булды
«Татар табыны» бәйгесенең максаты - милли ризык әзерләү традицияләрен саклау.
(Казан, 6 декабрь, «Татар-информ», Алсу Исмәгыйлева). Бөтендөнья татар конгрессы оештырган «Татар табыны» бәйгесе җиңүчеләре билгеле булды.
«Татар табыны» бәйгесенең максаты — милли ризык әзерләү традицияләрен саклау. Анда Россия федерациясенең 10 төбәгеннән йөзләп эш катнашкан. Бәйге татар конгрессы сайтында яктыртылды, катнашучылар пешергән милли ризыкларның фотоларын шунда урнаштырып барды. Сайтка керүчеләр тавыш бирү юлы белән җиңүчеләрне билгеләде.
«Татар табыны 2019» бәйгесендә финалга 15 кеше чыкты. Беренче урынны Азнакайдан Мәрьям Миңнегулова, икенче урынны Сиринә Сафиуллина, өченче урынны Айзилә Рәхмәтуллина алды. Гран-при иясе — Сарман районы Җәлил бистәсеннән Зөһрә Вәлиуллина.
«Татар табыны» җиңүчеләрен котлау тантанасында АКШтан килгән татар кешесе Фарук Гыйззәтуллин да бар иде. «Әнием дә татар ризыкларын пешерә иде, хатыным да пешерә. Пәрәмәчләр, вак бәлеш пешерәбез», — дип сөйләде ул.
Бәйрәмдә танылган аш-су остасы Резедә Хөсәенова тары ярмасы белән кыстыбый пешерү остаханәсе оештырды.
Кызыклы яңалыкларны күзәтеп бару өчен Телеграм-каналга язылыгыз