Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Татар кызы» халыкара конкурсының финалы Төрекмәнстанда узачак
«Татар кызы 2026» халыкара конкурсының финалы Төрекмәнстанда октябрь аенда узачак. Бу хакта конкурсны оештыручылар матбугат конференциясе вакытында хәбәр итте.
Россия төбәкләреннән һәм илләреннән барлыгы 40ка якын катнашучы төп «Татар кызы» титулы өчен көрәшәчәк. Конкурста Төркия, Үзбәкстан, Төрекмәнстан, Казахстан һәм Кыргызстан татарлары катнаша. Проект дирекциясе рәисе Алмаз Хәлиуллин сүзләренә караганда, конкурска гарәп илләреннән катнашучылар да кушылырга мөмкин.
Төрекмәнстанда конкурсны оештыруда «Татар кызы-2025» халыкара конкурсы җиңүчесе Алсу Рәфыйкова катнаша.
Конкурсның төп призы – элеккечә җиңел автомобиль, әмма бу юлы авто маркасын оештыручылар ачыкламады.
Төрекмәнстан «Татар кызы» халыкара этабының финалы узган елгы җиңүченең туган җирендә уздырыла дигән кагыйдә нигезендә сайланды. Алсу Рәфыйкова – Төрекмәнстанның төньягындагы Дашогуз шәһәрендә туган.
Кызыклы яңалыкларны күзәтеп бару өчен Телеграм-каналга язылыгыз