Татар дөньясы 28 декабрь 2006 12:22

Татар конгрессы милләттәшләребезне якынлашып килүче бәйрәмнәр белән котлый

Скопировать ссылку

(Казан, 28 декабрь, «Татар-информ») Бөтендөнья татар конгрессы Башкарма комитеты барлык милләттәшләребезне дә бәйрәм белән котлап мондый сүзләр җиткерә: «Сезне ихлас күңелдән олуг бәйрәмебез – Корбан гаете һәм Яңа ел белән котлыйбыз.

Сезгә һәм барлык мөселман татар халкына Аллаһы Тәгалә нык сәламәтлек, күңел сафлыгы, бәхетле вә бәрәкәтле тормышлар бирсен.

Гасырлар буена сакланып килгән гореф-гадәтләребез, милли үзаң һәм мәдәни мирасыбыз Ислам дине белән тыгыз бәйләнештә яши. Иншаллаһ, алга таба да милләтебезнең якты киләчәге өчен, бергәләшеп, уртак матур гамәлләр кылып, уңышларыбызга сөенеп, күтәренке рух белән яшәргә язсын.

Үзегезгә, якыннарыгызга күңел тынычлыгы, тән сәламәтлеге, бәхет-шатлык, озын гомер насыйп булсын.

Корбан гаете, яңа еллар мөбарәк булсын!», - диелә әлеге котлауда.

Сәхифәләр

Татар конгрессы милләттәшләребезне якынлашып килүче бәйрәмнәр белән котлый