Татар китабы йортында «Ачык микрофон» һәм шигъри слэм җыентыгын тәкъдим итү кичәсе була
Скопировать ссылку
24 апрельдә 18:00 сәгатьтә Татар китабы йортында традицион «Ачык микрофон» үтәчәк. Катнашучылар үз шигырьләрен яки яраткан авторларының әсәрләрен укый алачак. Бу хакта Татар китабы йорты хәбәр итте.
«Ачык микрофон» башланыр алдыннан өченче слэм шагыйрьләренең шигырьләре тупланган үзенчәлекле кыска зин тәкъдим ителәчәк. Җыентык «Хәреф» лабораториясе катнашучылары ясаган иллюстрацияләр белән бизәлгән.
Катнашу өчен алдан теркәлергә кирәк.
Керү бушлай.
Фото: Татар китабы йорты