Татар китабы йорты һәм Идел яшьләр үзәге татарча өстәл уеннары киче уздыра
Скопировать ссылку
Татар телен һәм мәдәниятен саклау максатыннан кулга-кул тотынып эшләүче ике зур оешма – Татар китабы йорты һәм Идел яшьләр үзәге татарча өстәл уеннары киче уздыра. Бу хакта Татар китабы йорты телеграм-каналында хәбәр итә.
Очрашу 25 мартта 18:00-21:00 сәгатьтә Татар китабы йортында була.
Бу кичтә безне кызыклы уеннар, җанлы аралашу һәм яңа танышулар көтә. Үзегез белән яраткан өстәл уеннарыгызны алып килергә мөмкин, дип хәбәр итә оештыручылар.
Катнашу бушлай һәм ирекле.
Фото: Татар китабы йорты