Мәдәният 10 февраль 2017 15:59

“Татар-информ” Зәйнәп белән Зөфәрнең алтын хитларыннан торган концертны онлайн күрсәтәчәк

Татарстанның халык артистлары Зәйнәп Фәрхетдинова белән Зөфәр Билалов концерты иртәгә Г.Тукай исемендәге филармония залында үтә.

Скопировать ссылку

(Казан, 10 февраль, «Татар-информ»). Иртәгә, 11 февральдә, Г.Тукай исемендәге татар дәүләт филармониясенең концертлар залында Татарстанның халык артистлары Зәйнәп Фәрхетдинова белән Зөфәр Билаловның “алтын хитлары” яңгыраячак. Бу хакта концертны оештыручылар хәбәр итә.

“Алтын хитлар”, Зәйнәп белән Зөфәрнең тамашачы яратып өлгергән, программадан - программага күчеп барган таныш җырлары белән бергә, яңа җырлар да башкарылачак, халык җырларына да зур урын бирелгән. “Артистлар сәхнәгә гаилә ансамбле белән дә чыгалар – уллары Булат белән Фоат та чыгыш ясаячак. Аларның мондый чыгышларын татар тамашачысы яратып өлгерде инде. Кайда гына чыгыш ясамасыннар – тамашачы “Улларыгыз килдеме?” дип сорый”, - дип сөйли оештыручылар.

“Татар-информ” мәгълүмат агентлыгы концертка онлайн-трансляция ясый. Концертны карау өчен сылтама - tatar-inform.tatar/internet-tv/32/

Башлана - 18.00

#Зәйнәп Фәрхетдинова #Зөфәр Билалов

Сәхифәләр

“Татар-информ” Зәйнәп белән Зөфәрнең алтын хитларыннан торган концертны онлайн күрсәтәчәк