"Татар-информ" "Мин татарча сөйләшәм" акциясен онлайн күрсәтәчәк

Акция 26 апрель көнне Казанның Бауман урамында 16.00 сәгатьтә башлана.

Скопировать ссылку

(Казан, 25 апрель, "Татар-информ"). Иртәгә, 26 апрель көнне, "Татар-информ" мәгълүмат агентлыгы "Мин татарча сөйләшәм" акциясен онлайн күрсәтәчәк.

Акция Казанның Бауман урамында 16.00 сәгатьтә башлана. Онлайн трансляцияне "Татар-информ" сайтының татарчасында карап булачак.

Акциянең максаты - татар теленең кулланылышын арттыру, дәрәҗәсен үстерү. Быел ул 13нче мәртәбә уза.