«Татар-информ» мәгълүмат агентлыгы шахмат буенча онлайн-турнирда катнашырга чакыра
Ярышлар мәгълүмат агентлыгының 30 еллыгына багышлана, ә турнирның беренче раунды бүген – якшәмбе көнне, 5 апрельдә 15: 00 сәгатьтә башлана.
(Казан, 5 апрель, «Татар-информ»). Якшәмбе көнне, 5 апрельдә, шахмат буенча онлайн-турнир башлана, аны «Татар-информ» мәгълүмат агентлыгы оештыра. Анда әлеге уенны яратучы һәркем катнаша ала. Ярышлар мәгълүмат агентлыгының 30 еллыгына багышлана.
Онлайн-ярыш Lichess.Org платформасында узачак, турнирга сылтама: https://lichess.org/tournament/hZCUvvKV.
Турнирда катнашу өчен бары кушымта урнаштырырга һәм теркәлергә генә кирәк. Ярышларда катнашу бушлай. Кушымтаны ПК һәм iOS һәм Android мобиль җайланмасында эшләргә була.
Турнир регламенты: партияләр һәр катнашучыга 7 минут вакыт контролендә уйнала. Турнир 2 сәгать бара. Очко автомат рәвештә кушымтада һәр уйналган партиядән соң куелып барыла.
Турнир берничә раундта узар дип планлаштырыла. Аларның беренчесе якшәмбе көнне, 5 апрельдә Мәскәү вакыты белән 15:00 сәгатьтә башлана һәм ике сәгать дәвам итәчәк.
Һәр раунд нәтиҗәләре буенча беренче өч урынны алган катнашучылар «Татар-информ»нан махсус призлар белән бүләкләнәчәк. Бүләкләү карантин чоры тәмамланганнан соң мәгълүмат агентлыгы редакциясендә узачак.
«Татар-информ» агентлыгы турнирның барлык укучыларына күңел күтәренкелеге һәм оптимизм тели.
Өйдә калыгыз һәм спорт белән дус булыгыз.