"Татар-информ" "KAZAN" бию ансамбленең "Зәңгәр шәл" тамашасын онлайн күрсәтә
Вокал-хореографик спектакль бүген 19:00 сәгатьтә башлана.
Скопировать ссылку
(Казан, 12 ноябрь, "Татар-информ"). Бүген 12 ноябрьдә, 19:00 сәгатьтә Камал театрында "KAZAN" бию ансамбленең "Зәңгәр шәл" вокал-хореографик спектакле булачак.
Тамаша Кәрим Тинчурин пьесасы мотивлары һәм Салих Сәйдәшев музыкасы буенча куелган. Спектакльдә Казан шәһәр филармониясе артистлары Ләйсән Мәхмүтова, Рөстәм Насыйбуллин, "Фәридә-Алсу" дуэты, Марина Карпова, Гөлназ Гафурова катнаша. Сәнгать җитәкчесе - Татарстанның халык артисткасы Чулпан Закирова.
Вокал-хореографик спектакльне "Татар-информ" сайтында онлайн карарга мөмкин. Карау өчен сылтама: tatar-inform.tatar/internet-tv/424/