«Татар-информ» икенче кварталда иң еш искә алына торган матбугат чарасы булды
Скопировать ссылку
2026 елның икенче кварталы нәтиҗәләре буенча, «Татар-информ» мәгълүмат агентлыгы 258,57 балл җыеп, Татарстанның иң еш искә алына торган матбугат чаралары исемлегендә беренче урынны алды. Республика медиаресурслары рейтингын «Медиалогия» сервисы аналитиклары әзерләгән.
Икенче урында 214,33 балл җыйган «Бизнес Онлайн» газетасы. Өченче урында – 68,33 балл индексы белән Inkazan басмасы.
Татарстан массакүләм мәгълүмат чаралары арасында иң зур үсешне НТР күрсәткән, ул берьюлы 6 позициягә күтәрелеп, 11 нче урынга менгән.