«Татар-информ» фотохәбәрчесен Каравон бәйрәменнән фотолар сериясе өчен бүләкләделәр
Скопировать ссылку
«Татар-информ» мәгълүмат агентлыгы фотохәбәрчесе Владимир Васильев «Күпмилләтле Россия» XVII Бөтенроссия журналистлар конкурсында «Фотоэшләр сериясе: Россия халыкларының милли бәйрәмнәре» номинациясендә беренче урынны алды.
Владимир Васильевка рус халык бәйрәме Каравоннан фотосурәтләр сериясе призлы урын алып килде, ул быел Лаеш районының Никольское авылында 34 нче мәртәбә узды.
Быел «Күпмилләтле Россия» конкурсына Россиянең 54 төбәгеннән 252 гариза килгән – барлыгы 1133 эш. Бүләкләү тантанасы Казанда узучы «Күптөрлелектә бердәмлек» XI милли массакүләм мәгълүмат чаралары форумы кысаларында оештырылды.