"Татар-информ"да хезмәтне саклау һәм формаль булмаган яшерен хезмәт турында сөйләшәчәкләр
Матбугат конференциясендә Татарстанның хезмәт, халыкны эш белән тәэмин итү һәм социаль яклау министры Эльмира Зарипова катнашачак.
(Казан, 28 июнь , "Татар-информ"). Иртәгә, 29 июньдә “Татар-информ” мәгълүмат агентлыгында матбугат конференциясе 2017 елның биш аенда хезмәтне саклау һәм формаль булмаган яшерен хезмәтне легальләштерү нәтиҗәләре темасына багышлана. Матбугат конференциясендә Татарстан Республикасының хезмәт, халыкны эш белән тәэмин итү һәм социаль яклау министры Эльмира Зарипова катнашуы көтелә.
“Татар-информ” мәгълүмат агентлыгы сайтында матбугат конференциясенең онлайн-трансляциясе алып барылачак. Теләгән кешеләр видеога шәрехләрдә үзләрен кызыксындырган сорауларны бирә алачак.
Матбугат конференциясенә гаммәви матбугат чаралары вәкилләре чакырыла. Журналистларны аккредитацияләү pr@tatar-inform.ru электрон почтасы аша башкарыла.