news_header_top
16+
news_header_bot
news_top

«Татар-информ»да гомумшәһәр азык-төлек марафоны турында сөйләшәчәкләр

Матбугат чаралары вәкилләре катнашындагы конференция иртәгә, 19 февральдә 13.00 сәгатьтә була.

(Казан, 18 февраль, «Татар-информ»). Иртәгә, 19 февральдә, 13.00 сәгатьтә «Татар-информ» мәгълүмат агентлыгында «Мәрхәмәтлелек кәрҗине»  ("Корзина доброты") гомумшәһәр азык-төлек марафонына багышланган матбугат конференциясе үткәрелә. 3 мартта Казанда мохтаҗларга азык-төлек җыю марафоны беренче тапкыр уза.

Чарада Татарстан Республикасы хезмәт һәм халыкны эш белән тәэмин итү министры Эльмира Зарипова, «Русь» азык-төлек фонды җитәкчесе Виктория Крисько, «Пятерочка» сәүдә челтәре Идел буе дивизионы директоры Дмитрий Торопов катнашачак.

«Татар-информ» мәгълүмат агентлыгы сайтында матбугат конференциясенең онлайн-трансляциясе узачак. Видеога комментарийларда сораулар бирергә мөмкин.

ММЧ вәкилләре pr@tatar-inform.ru. электрон почтасы аша аккредитация уза ала.

news_right_1
news_right_2
news_bot