"Татар-информ"да "Аеклык ноктасы" проектын тормышка ашыру нәтиҗәләре турында сөйләячәкләр
Журналистлар аккредитациясе pr@tatar-inform.ru электрон почтасы аша башкарыла.
(Казан, 4 июнь, "Татар-информ"). Дүшәмбе, 5 июньдә, 10.00 сәгатьтә "Татар-информ" мәгълүмат агентлыгында Татарстан Республикасы Бала хокуклары буенча вәкаләтле вәкил Гүзәл Удачина катнашында, "Аеклык ноктасы" республика проектын тормышка ашыру нәтиҗәләренә багышланган матбугат конференциясе узачак.
"Аеклык ноктасы" проекты эчкечелектән мөстәкыйль рәвештә котыла алмаган аналарга ярдәм итүгә һәм аларны социаль реабилитацияләүгә юнәлдерелгән.
Матбугат конференциясендә шулай ук балигъ булмаганнар белән эшләү һәм аларның хокукларны яклау комиссиясенең җаваплы сәркатибе Илсөяр Гарифуллина, Татарстан Республикасы Сәламәтлек саклау министрлыгының Дәвалау һәм профилактика идарәсе җитәкчесе Ирина Малышева, Кукмара районы башлыгы урынбасары Равия Кәримуллина һәм әлеге проектта катнашучы, күп балалы ана Елена Шишканова катнашачак.
"Татар-информ" сайтында матубгат-конференциясенең онлайн-трансляциясе булчачак. Теләгән кешеләр сорауларын видеога шәрехләрдә калдыра ала. Журналистлар аккредитациясе pr@tatar-inform.ru электрон почтасы аша башкарыла.