"Татар-информ" агентлыгы "Туфан сүзе сагындыра" интернет-флешмобын башлый
Флешмобка катнашу өчен Туфан Миңнуллин әсәрен укып видео яздырырга һәм аны #туфансүзесагындыра хештегы белән интернетка куярга кирәк.
(Казан, 1 май, "Татар-информ"). "Татар-информ" агентлыгы һәм Татарстан язучылары "Туфан сүзе сагындыра" уртак проектын башлап җибәрде.
Интернет-флешмоб форматындагы проектта күренекле драматург, җәмәгать эшлеклесе Туфан Миңнуллинның робагыйлары укыла һәм аның белән бәйле истәлекләр сөйләнә.
Проектның идея авторы һәм оештыручысы – журналист Зимфира Гыйльметдинова, проект җитәкчесе – Илгиз Шәкүров, оператор – Альфред Камелевский.
Флешмобка һәркем кушыла ала. Бары тик Туфан Миңнуллин әсәрен укып видео яздырырга һәм аны #туфансүзесагындыра хештегы белән интернетка урнаштырырга кирәк.