Татар халкы һәм Татарстан тарихы буенча яңа дәреслекләр чыгачак
Тагын берничә предметтан дәреслекләрне яңарту күздә тотыла.
(Казан, 15 июнь, “Татар-информ”, Лилия Локманова). Татар халкы һәм Татарстан тарихы буенча яңа дәреслекләр чыгачак. Бу хакта Татарстан Республикасы Дәүләт Советының Мәгариф, мәдәният, фән һәм милли мәсьәләләр комитетының киңәйтелгән утырышында республика Премьер-министры урынбасары – Татарстан мәгариф һәм фән министры Энгель Фәттахов хәбәр итте.
“Милли-төбәк белем бирү программасы яңартылды. 5 нче һәм 6 нчы, 7 нче сыйныфлар өчен татар халкы һәм Татарстан тарихы буенча яңа дәреслекләр әзерләнде. Башлангыч мәктәпләр өчен “Татарстан мирасы” укыту әсбабы булдырылды. Сынлы сәнгать, әйләнә-тирә мохит предметларыннан да яңа дәреслекләр әзерләнә. Аларда безнең җирле материаллар урын алачак. Татарстан георгафиясеннән дә яңа дәреслек әзерләнә”, – диде министр.