Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Татар энциклопедиясе институты «Муса Җәлил» шәхси энциклопедиясен нәшер итәчәк
Татарстан Республикасы Фәннәр академиясе М. Хәсәнов исемендәге Татар энциклопедиясе һәм төбәкне өйрәнү институты командасы «Муса Җәлил» шәхси энциклопедиясен әзерли. Бу хакта «Татар-информ»да узган матбугат конференциясендә институт директоры Эльмира Галимова сөйләде.
«Каюм Насыйри энциклопедиясен әзерләгән команда үз алдына Муса Җәлил юбилеена аның шәхси энциклопедиясен әзерләү бурычы куйды», – дип сөйләде галимә.
Муса Җәлил – совет чоры татар шагыйре. Ул 1939 елдан ТАССРның Язучылар берлеген җитәкләгән, Казан Шәһәр советы депутаты булган. 1941 елда шагыйрь үзе теләп фронтка китә, анда әсирлеккә эләгә. «Совет идеологиясен тараткан өчен» һәм фашистларга каршы алып барылган яшерен эшчәнлектә катнашканы өчен СССР Югары Советы Президиумы Указы белән Муса Җәлилгә үлеменнән соң Советлар Союзы Герое исеме бирелә. Ә аның әсирлектә язылган «Моабит дәфтәрләре» җыентыгы Ленин премиясенә лаек була.
Искәртеп үтик, 2026 елда Муса Җәлилнең тууына 120 ел тула.
«Муса Җәлил» шәхси энциклопедиясе соңгысы булмаячак. Институт танылган татар шәхесләре турында башка хезмәтләр чыгарырга да планлаштыра. Мәсәлән, Идел Болгары, Алтын Урда, шулай ук Үзәк Азиядәге татар диаспоралары турында энциклопедияләр дә чыгар дип көтелә.
Кызыклы яңалыкларны күзәтеп бару өчен Телеграм-каналга язылыгыз